Новости Могилёва

Biленскi мост

Новую назву атрымаў мост праз Дубравенку, што па вулiцы Лазарэнкі – зараз ён будзе называцца Вiленскiм. З прапановай даць масту такую назву да мэра Магiлёва звярнулася Магілёўская гарадская суполка Таварыства беларускай мовы.

Лiст сабраў 47 подпiсаў жыхароў Магiлёва. I гарвыканкам пайшоў насустрач: на пасяджэннi камiсii па тапанiмiцы i ўвекавечаннi гiстарычнай і культурнай спадчыны Магiлёва, якое прайшло 20 траўня 2011 года, было прынята адпаведнае рашэнне. Па каментар партал 222.by звярнуўся да старшынi Магілёўскай гарадской суполкi ТБМ Алега Дзьячкова.

- Цяпер па ўсёй Беларусi ёсць такая тэндэнцыя: у мястэчках, гарадах, райцэнтрах вяртаюцца гiстарычныя назвы. У нас, як вы ведаеце, колькі гадоў таму вярнулi гiстарычную назву частцы вулiцы Вiленскай: цяпер ад Дубравенкi гэта вулiца Вiленская, а далей ужо – Лазарэнкi. Там не так даўно пабудавалi новы мост, якi, на жаль, знiшчыў гiстарычны ландшафт старадаўняй Вiленскай. Гiстарычных будынкаў па Вiленскай, якiх некалькi штук засталося, цяпер зусiм нябачна. Каб гэтая назва засталася ў памяцi людзей, каб яна ўпрыгожвала наш горад, бо гiстарычная тапанiмiка – гэта таксама помнiкi нашай нацыянальнай культуры, мы вырашылi прапанаваць уладам даць масту назву Вiленскi.

- Цi плануеце вы i далей выступаць з падобнымi iнiцыятывамi?
- Мы ездзiлi ў пачатку гэтага месяца ў мястэчка Ордуць Шклоўскага раёна, адкуль родам паходзiць Анатоль Сербантовiч – таленавiты паэт. На жаль, ён пражыў усяго 30 гадоў - i нават прафесiйныя фiлолагi ў Магiлёве не ведаюць пра гэтага паэта нiчога. У гэтым годзе яму споўнiлася б 70. Мы наведалi яго радзiму i зараз збiраемся выступiць з iнiцыятывай, каб адна з вулiц горада Магiлёва насiла iмя гэтага таленавiтага паэта - вулiца Анатоля Сербантовiча.