Новости Могилева
Святкуем дзень нараджэння Максіма Багдановіча разам
Вечар-партрэт «І зорка гарыць, і не вяне вянок», прысвечаны 120–годдзю з дня нараджэння класіка беларускай літаратуры Максіма Багдановіча, адбудзецца сёння 9 снежня ў Магілёўскім гарадскім цэнтры культуры і вольнага часу (вул. Першамайская, 34/1). Пачатак а 18-й гадзiне.
Максіма Багдановіч дэбютаваў як пісьменнік у 1907 годзе, калi «Наша Ніва» надрукавала ягонае апавяданне «Музыка». У пачатку 1914 году ў Вільні выйшаў ягоны паэтычны зборнік «Вянок» (на тытуле кнігі стаіць 1913 год, але ў тым годзе яе выдаць не паспелі).
Багдановiч – вядомы публіцыст, крытык, перакладчик, аўтар паэм «Мушка-зелянушка і камарык – насаты тварык» (1914), «Максім і Магдалена» (1915), «Страцім-лебедзь» (1916) i iнш. Ён напісаў шмат выдатных вершаў, якiя адносяць да ўзораў грамадзянскай, пейзажнай, філасофскай лірыкі. Пісаў і друкаваўся як на беларускай, так і на рускай мове. Багдановіч першым у беларускай літаратуры ўжыў класічныя вершаваныя формы (санет, трыялет, рандо і інш.), верлібр.
На сустрэчы прагучаць вершы паэта і музычныя кампазіцыі, будзе арганізавана кніжная выстава «І слова гучала, чароўнае слова…».
Запрашаем усіх жадаючых. Уваход вольны.