Лялька таксама Чалавек

З 18 па 23 кастрычніка 2009г. Магілеўскі абласны тэатр лялек прымае ўдзел у чацвертым Міжнародным фестывалі лялечных тэатраў для дарослых «Лялька таксама Чалавек» у рэспубліцы Польшча горадзе Варшава.

Заваеўваць фестывальную публіку магілеўскія лялечнікі будуць спектаклем «Паўлінка» 20 кастрычніка на сцэне Варшаўскага тэатра «Лялька». “Паўлінка” - бессмяротны твор класіка беларускай літаратуры Янкі Купалы. Пастаноўка спектакля прысвечана 125-годдзю з дня нараджэння беларускага песняра. Увасабленне знакамітага твора на сцэне тэатра лялек адбылося ўпершыню ў рэспубліцы Беларусь у Магілёве пад кіраўніцтвам рэжысера Вячаслава Корнева. У спектаклі занятыя вядучыя майстры сцэны: Мікалай Сцешыц, Наталля Бачкарова, Таццяна Зэлікава, Ганна Лазуціна, а таксама артысты: Сяргей Сяргеенка, Максім Кошалеў, Яўген Смоляр.

Падзеі, паказаныя ў спектаклі, адбываюцца ў складаны дарэвалюцыйны час на тэрыторыі Беларусі. У якасці галоўных герояў выступаюць простыя людзі, сучаснікі Купалы. Спектакль адлюстроўвае адносіны людзей да падзей, якія адбываліся ў свеце, і пераносіць гледача ў адпаведны гістарычны час. “Паўлінка” - гэта ўнікальны, самабытны спектакль, і на сенняшні дзень тэмы, закранутыя Купалам, з’яуляюцца цікавымі і сучаснымі.

Жадаем поспехаў нашым артыстам на замежных падмостках.